Ss. Ísland
Tæmdum við sjóðiná tortóla
tókum svo strikið á keymannaey
Ævinleg´er við yfirgefum stað
er engin píka þar lengur hrein mey
Lestina fylltum af gulli og góssi
glingur við áttum og allskonar skraut
Útrásin gekk þá svo afspyrnuvel
en allt fór til fjandans er rommið það þraut
Kór
Dauðir í ránni dingla þeir tveir
dansa þeir slánar allsekki meir
bruna til helvítis bein för og greið
bráðum fer ég sömu leið
Til uppþota kom er af okkur rann
og andskotans raunveruleikinn tók við
vildum ei láta bjóð´okkur bull
og barsmíðar hófum að sjómannasið
Potta við lömdum og trumbur og lok
og loftið það fylltist af orrustugný
ef einhver vann það að veita mér högg
með vöxtum ég aftur skilaði því
Kuta minn rak ég á bátsmannsins bak
bölvaðan drap ég hann rétt eins og hund
og hnútasvipan sem hrygg okkar skóf
varð húsbóndalaus um drykklanga stund
Á keymannaeyjum þar keyptum við bús
kneifuðum mikinn uns svefn á oss rann
En þegar við röknuðum rotinu úr
ráðið þeir höfðu afleysingamann
© 2012 Benóný Ægisson
|
